Darakta Ibrahim El-Mu’azzam ya zama angon Maryam

Ango Ibrahim da amarya Maryam cike da farin ciki

A JIYA Lahadi, 25 ga Disamba, 2022 aka ɗaura auren darakta a Ibrahim El-Mu’azzam da amaryar sa Maryam Alhassan.

An ɗaura auren a unguwar Kabara da ke cikin Birnin Kano da misalin ƙarfe 11 na safe, kuma ‘yan fim da dama sun halarta.

Ibrahim El-Mu’azzam da Maryam Alhassan

Tun kafin ranar dai angon ya shirya taron shagalin biki na musamman wanda jama’a da dama su ka halarta.

Tuni dai amarya ta tare a ɗakin ta.

Da fatan Allah ya ba da zaman lafiya da fahimtar juna.

Sun zama ɗaya: Ibrahim da Maryam
Ango Ibrahim El-Mu’azzam da amaryar sa Maryam a wurin bikin auren su.